રાશિ ભવિષ્ય

મેષ (અ,લ,ઈ) : તમારી તબિયત બરાબર ન હોવાનો સમય છે, તેથી કાળજી રાખજો. મૂંઝવણ ભરેલી સ્થિતિ હવે સ્પષ્ટ થઈ ગઈ છે અને થોડા જ દિવસોમાં કેટલાક આશ્ર્ચર્ય પમાડે એવા નિરાકરણો જાતે જ હાજર થઈ જશે એમ જણાય છે. મનની શાંતિ માટે સમય ફાળવવો મહત્વનું છે તેથી નમ્રતાપૂર્વક છતાં દ્રઢપણે એ માટે આગ્રહ રાખો. તમે જેને ચાહો છો તે વ્યક્તિએ લીધેલા નિર્ણયનો સ્વીકાર કરીને હકારાત્મક કર્મ ચાલુ રાખવાની સલાહ છે. બેન્કમાં કે વાહનમાં જતી વખતે જો પૈસા કે કીમતી વસ્તુઓ હોય તો સાવચેત રહેજો. ભૂતકાળના મિત્રો સાથે સમાધાન કે પુન: જોડાણ થઈ શકે છે. 

સ્ત્રીવર્ગ માટે : તમારી કલ્પનાના પાત્રો સાથે લડવામાં શક્તિ ન વેડફાય એનું ધ્યાન રાખો.

વૃષભ (બ,વ,ઉ) : તમારી જાત સાથે અને લાગણીઓ સાથે સહજ બનવાનું શીખો. જે નથી એની ચિંતા કરવાને બદલે જે છે એનો આનંદ માણો. તમારા લક્ષ્યને નજર સમક્ષ રાખી એને હાંસલ કરવા હકારાત્મક વિચાર કરી આગળ વધો. જીંદગી જે રીતે જોઈએ એ રીતે ખૂલી રહી છે ત્યારે બિનજરૂરી આતુરતા રાખવાની જરૂર નથી. હાલ મિત્રો સાથે ખૂબ મહત્વની બાબત વિશે ચર્ચા કરવાથી લગભગ ન ધારેલી સમજણ બહાર આવશે એમ દેખાય છે. જો તમે કુંવારા કે કોઈ સાથે સંબંધમાં નહીં હો તો તમારા જીવનમાં નવા પ્રેમનો પ્રવેશ થશે. વાહન લેવાના પ્રબળ યોગ છે. 

સ્ત્રીવર્ગ માટે : આરોગ્ય, આહાર અને કસરત બાબત કાળજી લેવાનો સમય છે. હાલ બહારનું ખાવાનું ટાળો.

મિથુન (ક,છ,ઘ) : પરિસ્થિતિને સંપૂર્ણપણે સમજ્યા વગર તમે નિર્ણય લેવાનો પ્રયાસ કરી રહ્યા છો એમ જણાય છે. તમને કાવત્રાની ખબર હોવા છતાં એની એ જ ભૂલ વારંવાર કરો એ મૂર્ખતા છે. ઘડીમાં આનંદ અને ઘડીમાં હતાશા આપનારા ગૂંચવણભર્યા સંબંધોને સમજવાનો પ્રયાસ કરો. હાલ શક્ય એટલા શાંત રહો, કારણ કે નકારાત્મક વિચારો ધરાવતા લોકો તમને જોઈતા હકારાત્મક પરિવર્તનમાં અવરોધરૂપ બની શકે છે. આત્મરક્ષણના પગલા તરીકે તમારા પ્રેમ અને લાગણીને સંયમમાં રાખવાનો સમય છે. તમારી લાગણીઓ અને ઈરાદાઓ જાહેર કરવામા સાવચેતી રાખો અને બહુ ગંભીર બનો, સમજ્યાને? 

સ્ત્રીવર્ગ માટે : ઈશ્ર્વરમાં શ્રધ્ધા અને સબૂરી રાખવાથી સમયચક્ર હકારાત્મક માર્ગે જશે.

કર્ક (ડ,હ) : ચિંતાઓને કિનારા પર મૂકી દઈ તમારી જન્મજાત ક્ષમતાઓમાં વિશ્ર્વાસ રાખવાનો સમય છે. આમ બનવું જ જોઈએ એવા આગ્રહને જતો કરો. જોઈએ જ છે એવી જિદ્દી ભાવનાને છોડીને બધુ જ મેળવવા માટે સંઘર્ષ કરવાની સલાહ છે. આત્મવિશ્ર્વાસ અને આંતરિક શક્તિમાં વધારો કરે એવી માનસિકતા સભાનપણે જાળવી રાખો. આ અતિપરિશ્રમવાળુ સમયચક્ર ખૂબજ અણધારી રીતે તાત્કાલિક પરિણામો લાવશે અને અપેક્ષાઓમાં ઓછી જડતા તમને આગળ રહેવામાં મદદરૂપ થશે એમ દેખાય છે. કોઈની શરદીનો ચેપ લાગી શકે છે. 

સ્ત્રીવર્ગ માટે : અણધાર્યો ખર્ચ આવશે પણ તમે સરળતાથી પહોંચી વળશો.

સિંહ (મ,ટ) : સંબંધોની ખાઈ પૂરવા માટે શક્ય એટલું બધું જ કરી છૂટવાનો સમય છે. એક અણધારી સ્થિતિ તમારી વિશ્ર્વસનીયતાને પડકારશે પરંતુ અહીં ધારણાઓને નિયંત્રણમાં રાખવું જરૂરી બનશે. એક મિત્ર સાથેની ગેરસમજ દૂર થઈ જશે અને આવનારા સમયમાં ગુસ્સાની લાગણીઓ અને હતાશા પણ દૂર થઈ જશે એમ દેખાય છે. તમારા અભિગમમાં ફેરફાર કરવાથી ઊચ્ચ આધ્યાત્મિક યાત્રા સરળ બની જશે એ નક્કી છે. આ સપ્તાહે મહત્વના સંદેશાઓ મળવાના યોગ છે અને એના આધારે એક પ્રવાસનું આયોજન પણ થઈ શકે છે. 

સ્ત્રીવર્ગ માટે : ઈચ્છિત પરિણામ મેળવવા માટે થોડી ચાલાકી ભરી ચર્ચા વિચારણા કરવી પડશે.

કન્યા (પ,ઠ,ણ) : યારેક તમે લોકો પર સહજપણે વિશ્ર્વાસ મૂકી દો છો તો ક્યારેક કોઈને તમારા સુધી પહોંચવા પણ નથી દેતા. આવું શા માટે? તમે જેને પ્રેમ કરો છો તેવા લોકો સાથે તોછડાઈભર્યો વ્યવહાર ન કરો. પરિવાર તરફ ધ્યાન આપ્યા વિના ખૂબ જ સમય કામમાં ગાળવાથી ચેતવાનો સમય છે. તાત્કાલિક જવાબદારીઓ અદા કર્યા પછી તમારી જાતને આરામ અને આનંદ આપવા સમય ફાળવો એવી મારી સલાહ છે. આ જાગૃતિનો અભિગમ અર્ધજાગૃત મનનો દરવાજો ખખડાવશે અને વર્તમાનની સમસ્યાઓના નિરાકરણ જાદુઈ રીતે ઊપશી આવશે એમ દેખાય છે. 

સ્ત્રીવર્ગ માટે : લાગણીઓ ધમાચકડી મચાવશે, અધીરા થવાને બદલે શાંતિપૂર્વક યોગ્ય ક્ષણની રાહ જુઓ.

તુલા (ર,ત) : હાલ આવેશાત્મક પ્રતિક્રિયા આપવાથી દૂર રહો અને શાંતિથી પરિસ્થિતિની સમીક્ષા કરો. વાસ્તવમાં સાવચેતીપૂર્વક આગળ વધવા માટે આ યોગ્ય સમય છે અને તમારો અંતરાત્મા એ સત્યને જાણે છે. માટે ઉશ્કેરાયા વગર આગળ વધતા રહેશો તો જ ભૂતકાળના અધૂરા કામો ઠેકાણે પડશે એમ દેખાય છે. ખાસ સંબંધની હકારાત્મક બાજુ પર ધ્યાન કેન્દ્રિત કરવા પ્રયાસ કરો અને ટીકાકાર બનવાથી દૂર રહો એવી મારી ખાસ સલાહ છે. પ્રેમમાં પડેલા અપરિણીત જાતકો એવું અનુભવશે કે સૂર્ય માત્ર તેમના માટે જ પ્રકાશે છે. આ પ્રકારના નવા અનુભવને આવકારવા તૈયાર રહેજો. 

સ્ત્રીવર્ગ માટે : ઘર હોય કે ઓફિસ, તમારા વાતાવરણમાંથી નકારાત્મક ઊર્જાને દૂર કરો.

વૃશ્ચિક (ન,ય) : કુદરતે સંપૂર્ણ રીતે શક્તિઓને તમારી ઈચ્છાઓ પૂરી કરવા કામે લગાડી દીધી છે. આ દૈવી યોગનો પૂરેપૂરો ફાયદો ઊઠાવવાનો સમય છે. વિશેષ અભ્યાસ કરવાનો નિર્ણય તમારા જીવનના હેતુ તરફ જવાની પ્રેરણા આપશે અને તમારા અત્યારના જ્ઞાનમાં પણ વધારો કરશે એમ દેખાય છે. હાલ કામ કરવાની કેટલીક પધ્ધતિઓ થોડો ફેરફાર માગે છે. એપેક્ષિત ફેરફારો ધારણા કરતા ઝડપથી આકાર લેશે અને એ તમારા માટે એક નવો જ મહામાર્ગ ખુલ્લો મૂકશે એ નક્કી છે. ઘણા જાતકો માટે નોકરી કે બઢતીની ઓફર મળવાના પ્રબળ યોગ છે. જો કાનૂની દસ્તાવેજો પર સહી કરવાની હોય તો કાળજી રાખજો અને દરેક શબ્દ ધ્યાનપૂર્વક વાંચજો. 

સ્ત્રીવર્ગ માટે : બજેટ બનાવીને મની મેનેજમેન્ટને સુધારો અને એનું અનુકરણ કરો. 

ધન (ભ,ધ,ફ,ઢ) : સફળતા માટે ટાઈમ મેનેજમેન્ટ અને લાંબાગાળાનું પ્લાનિંગ જરૂરી છે એ સમજવું પડશે. અનિર્ણાયકતા તમારા મજબૂત પાયાને હલાવી નાખશે, તેથી ભૂતકાળના આત્મવિશ્ર્વાસના અભિગમને જાગૃત કરો એવી મારી સલાહ છે. ઘર્ષણને પ્રામાણિકતા અને પ્રેમથી હેન્ડલ કરો. આવી પડેલી પરિસ્થિતિમાં તમે જે પગલા લેવાનું વિચારો છો એ જ સાચું છે, એ વલણને પકડી રાખો. તમે કદાચ જેમને ખૂબ ચાહો છો તેમના માટે છૂટા હાથે ભેટ ખરીદવાનો મિજાજ જાગી શકે છે. કેટલાક લોકો માટે નોકરીમાં ફેરફારની શક્યતા પણ છે. તમારા તબીબની સલાહ લઈને આરોગ્યપ્રદ આહાર લો અને નિયમિત કસરત કરો તો સારું. 

સ્ત્રીવર્ગ માટે : સામા પક્ષને બદલો લેવા ઊત્તેજિત કરે એવા અભિગમથી દૂર રહો.

મકર (ખ,જ) : શક્ય એટલી ઝડપથી અધુરા કાર્યો પૂરા કરવા પર ધ્યાન આપવાનો સમય છે. તમામ પાસાંઓનો વિચાર કરીને પછી જ ભવિષ્યના નિર્ણયો લેવાની ખાસ સલાહ છે. અધીરાપણું અને વધારે પડતું બોલવાના બદલે તમારા સ્વભાવને શાંત રાખવાનો પ્રયાસ કરો. હાલ ધારેલા પરિણામો કદાચ ન પણ મળે તો વાંધો નહીં, કુદરતે રચેલા કર્મસ્થાનમાં કંઈક વધારે સારું મળવાનું છે એમ સમજીને ચાલજો. સામાન્ય રીતે રોજ થતી કસરત કરતા વોક પર જવાનો વિચાર સારો છે. ઘર કે ઓફિસનું સુશોભન કરવા પર ધ્યાન આપવું પડશે. 

સ્ત્રીવર્ગ માટે : ભૂતકાળની ભ્રમણાઓ તરફ જોઈને અપરાધભાવ ન અનુભવો. તમારી ઈચ્છાઓ સ્પષ્ટ કરો અને ગંભીરતાપૂર્વક જીવન સરળ બનાવવાનો પ્રયાસ કરો.

કુંભ (ગ,સ,શ,ષ) : પરિસ્થિતિને સંપૂર્ણપણે સમજ્યા વગર નિર્ણયો લેવાના પ્રયાસ કરતા હોવાથી મગજને નિરાકરણ મેળવવામાં મુશ્કેલી પડી રહી છે. કોઈને તમારી સાચી લાગણીઓની છાની રીતે વાત કરવાથી વ્યવહાર કરવામાં ખૂબજ સરળતા રહેશે. નવા વિચારોને અમલમાં મૂકતા પહેલા એક મિત્ર સાથે અવશ્ય ચર્ચા કરી લેજો. કંઈ બાબત તમારામાં ગુસ્સો ઊપજાવે છે એના પર ધ્યાન કેન્દ્રિત કરો અને પછી ઝડપથી એના પર વિજય મેળવવાનો પ્રયાસ કરો. કેટલાક લોકો માટે આ સમયચક્ર આગળ અભ્યાસનું છે અને એ દ્વારા જ્ઞાન વધવાથી લાંબા ગાળે કારર્કિદીમાં મદદરૂપ થશે એ નક્કી છે. 

સ્ત્રીવર્ગ માટે : ઘરમાં ઊષ્માભર્યું વાતાવરણ જાળવી રાખવાનો પ્રયાસ કરો અને ઐક્યતા સ્થાપો એવી મારી સલાહ છે.

મીન (દ,ચ,ઝ,થ) : મને કદાચ એમ કરવાનું નહીં ગમે પણ હાલ કોઈની કરૂણ વાર્તામાં સામેલ થવાથી દૂર રહેજો. તમારા માટે જે મહત્વના લોકો છે તેમના માટે કંઈ પણ બોલતા પહેલા લાંબો વિચાર અવશ્ય કરી લેજો. સાથોસાથ કોઈના મીઠા શબ્દો અને સુંદર વચનોમાં લપટાઈ જવાથી દૂર રહેવાની સલાહ છે. તમારી જિંદગી હમણા થોડા ધીરા આંચકાઓ સાથે ધીરેથી આગળ વધી રહી છે. પરંતુ બાકી રહેલું કામ ઝડપથી પૂરું કરજો કારણ કે ખૂબ જ વ્યસ્ત સમયનો ઝડપથી પ્રારંભ થઈ શકે છે. સમાન વિચારધારાના નવા મિત્રો બનવાના યોગ છે. તમારા આરોગ્યની કાળજી લેવાનો સમય છે. 

સ્ત્રીવર્ગ માટે : અણધારી રીતે આર્થિક સહાય મળી રહેશે અને ખર્ચાઓને પહોંચી વળવાનું શક્ય બનશે.